بۇل تۋرالى ورتالىق كوممۋنيكاتسيالار قىزمەتىندە «الەۋمەتتىك مەديتسينالىق ساقتاندىرۋ قورى» كەاق باسقارما توراعاسى ايباتىر جۇماعۇلوۆ ايتتى.
«1 قاڭتاردان باستاپ ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسى ىسكە قوسىلۋ كەرەك بولاتىن. الايدا توتەنشە جاعدايعا بايلانىستى ەل پرەزيدەنتى تاپسىرما بەرگەن بولاتىن. وسى تاپسىرماعا سايكەس 1 ءساۋىر مەن 1 شىلدە ارالىعىندا كەز كەلگەن قازاقستاندىق ءوزىنىڭ الەۋمەتتىك نەمەسە ساقتاندىرۋ مارتەبەسىنە قاراماستان تەگىن كەپىلدەندىرىلگەن مەديتسينالىق كومەكتى مىندەتتى الەۋمەتتىك مەديتسينالىق قىزمەت جۇيەسى قول جەتىمدى بولۋى ءتيىس. وسى تاپسىرما بويىنشا بۇگىنگى كۇندە قور ءوز جۇمىستارىن جالعاستىردى. بۇگىنگى كۇننەن باستاپ مەديتسينالىق ينفورماتسيالىق جۇيەلەر قازاقستاندىقتار كەز كەلگەن مەسسەنجەرلەر ارقىلى ءوزىنىڭ مارتەبەسىن كورۋگە مۇمكىندىگى بار. 1 ساۋىرمەن 1 شىلدە ارالىعىندا قازاقستاندىقتار تۇراقتى تۇردە ساقتاندىرىلعان بولىپ ەسەپتەلىنەدى. بۇل دەگەنىمىز – كەز كەلگەن قازاقستاندىق مىندەتتى الەۋمەتتىك ساقتاندىرۋ جۇيەسىنە جانە تەگىن مەديتسينالىق كومەك تاراپىنان مەديتسينالىق كومەكتى الۋى قۇقىلى» دەدى ول.
ايتا كەتەيىك, وتكەن جىلدىڭ قىركۇيەگىنەن باستاپ ءمامس بويىنشا 1406 بىرىڭعاي بايلانىس ورتالىعى جۇمىس ىستەي باستاعان بولاتىن.